Oct 28, 2011

၃၈ ဖြာမင်္ဂလာ ပုံပြင်



“စက်မှုလက်မှုအတတ်တို့ကိုတတ်မြောက်ခြင်း”

- တတ်ကောင်းတတ်ရာဟူသမျှကို
  ကြားမြင်သုတရှိပါစေ၊
  အိုးအိမ်တည်ထောင်ဝမ်းစာရေးနှင့်
  အသက်မွေးဖို့အတတ်သင်လေ၊
  လူနှင့်ဆိုင်ရာကျင့်ဝတ်များကို
  ကောင်းစွာသင်ကြားနာလည်စေ၊
  မှန်ကန်ယဉ်ကျေးချိုသာအေး
  ဆိုရေးတတ်ပါစေ၊
  အဲဒါမှဗုဒ္ဓ၀ါဒ ကမ္ဘာ့မင်္ဂလာတွေ။





“စွန့်ကြဲပေးကမ်းလှူဒါန်းခြင်း”

- သုံးတန်စေတနာ ဖြူစင်လန်းလို့
  ပေးကမ်းဝေမျှ လှူနိုင်စေ၊
  ကိုယ်နှုတ်စိတ်ကြံ မမိုက်မှားနဲ့  သုစရိုက်တရားကို ကျင့်ပါလေ၊
  ဆွေမျိုးတွေကို ပစ်မထားနဲ့
  သင်္ဂဟတရားနဲ့ ချီးမြှောက်လေ၊
  သန့်စင်ပြစ်မျိုး လူထုကျိုး
  သယ်ပိုးရွက်ဆောင်စေ၊
  အဲဒါမှဗုဒ္ဓ၀ါဒ ကမ္ဘာ့မင်္ဂလာတွေ။





“ဇနီးနှင့်သားသမီးတို့ကိုလုပ်ကျွေးပြုစုခြင်း” 

- မြင်းမိုရ်ရွှေတောင် မိဘကြွေးကို
  ကောင်းစွာဆပ်ပေးဝတ်ကျေကျေ၊
  ကြွေးသစ်ချကာ သားနှင့်မယားကို
  မြှောက်စားချီးမြှင့် ၀တ်ကုန်စေ၊
  အလုပ်တာဝန် မလစ်ဟင်းနဲ့
  အပြစ်ကင်းအောင် လုပ်ပါလေ၊
  စည်းစိမ်ကိုပေး ဆက်ဆံရေး
  မျှော်တွေးသုံးချက်ပေ၊
  အဲဒါမှဗုဒ္ဓ၀ါဒ ကမ္ဘာ့မင်္ဂလာတွေ။
 
 
 

No comments:

Post a Comment