အကဲခတ်ခြင်း

            သက်ရှိသတ္တ၀ါတိုင်း ဆက်ဆံရေး အစဦးမှာ “အကဲခတ်ခြင်း” ကို အဓိကထားတာ ကျနော် အထူး
သတိပြုမိတယ်။

              လူသားချင်း ပထမဆုံးတွေ့ကြလို့ စကားစ မပြောခင်မှာ တစ်ယောက်ရဲ့ ၀တ်စားပုံ၊ အမူအရာ
နှင့် လှုပ်ရှားမှု အားလုံးကို အရင်ဆုံး အကဲခတ်လေ့လာကြတယ်။ ဒါကြောင့် တစ်ဦးနှင့်တစ်ဦး လေးစားမှုရ
ခြင်း၊ အဆင့်ခွဲသတ်မှတ်ခံလိုက်ရခြင်းများက ကိုယ့်ရဲ့ ပထမဦးဆုံး သရုပ်ဖော်သည့် ခြေလှမ်းမှာ မူတည်ပါ
တယ်။
              အကဲခတ်တဲ့နေရာမှာ မျက်စိနှင့်အကဲခတ်တယ်၊ ပြောသော စကားသံကို အကဲခတ်တယ်၊ လှုပ်
ရှားတဲ့ အမူအရာကိုအကဲခတ်ကြတယ်။ ခုလို အကဲခတ်သည့် ရလဒ်ပေါ်မူတည်ပြီး ဆက်ဆံကိုင်တွယ်ရမည့်
အဆင့်အမျိုးအစားကို တဖန်ဝေခွဲသတ်မှတ်လိုက်ပြန်တယ်။
              အထက်မှာဖော်ပြပြီးတဲ့ အကဲခတ်မှုများ ပြီးဆုံးတာနှင့် ဆက်ဆံရေးအစမှာ “စမ်းသပ်ခြင်း” ဆို
တဲ့ လုပ်ရပ်နှင့် လုပ်ငန်းစကြတယ်။ တစ်ဦးနှင့်တစ်ဦး နည်းပရိယာယ် အမျိုးမျိုးနှင့်စမ်းကြတာပဲ။ တချို့
လည်း တစ်ယောက်ရဲ့ “ပျော့ကွက်” ကိုရှာ ထိုးစစ်ဆင်ကြတယ်။ တချို့လည်း တစ်ဖက်လူ ကြိုက်တတ်တာ
ကို “အစာပေး မျှားကြတယ်” ။ တချို့လည်း “တစ်ကောင်ကျွေး နှစ်ကောင်စားဖို့ ချိန်ကြတယ်” ။ တချို့ကြ
တော့ အနိုင်ကျင့် အထက်ကနေ ခြိမ်းခြောက်တောင်းသလို၊ တချို့က အကြိုက်လိုက် ချော့မော့ပြီးမှ အနိုင်
ယူဖို့လမ်းကိုရှာကြတယ်။
               ဘာပဲဖြစ်ဖြစ် တစ်ဦးနှင့်တစ်ဦး ချဉ်းကပ် ဆက်ဆံကြတဲ့ နောက်ဆုံး ဦးတည်ရာ ပန်းတိုင်က
“ ကိုယ်လိုချင်တာ ရဖို့” မဟုတ်လား။ အနိုင်ယူပြီးမှ ရလိုက်တာထက် နှစ်ဦးနှစ်ဘက် သဘောတူကျေနပ်
အပေးအယူလုပ်နိုင်တာက ပိုသဘာဝကျ အေးချမ်းပါတယ်။ အထက်မှာ ဖော်ပြခဲ့တဲ့ လူမှုရေး စစ်ပွဲမှာ အ
သုံးပြုနေကြတဲ့ ပရိယာယ်မျိုးစုံကို ကြိုတင် အကွက်မြင်ထားပြီး ရှောင်တိမ်းနိုင်ဖို့ ပါးနပ်မှုရှိသူက အသာ
စီးရကြစမြဲပဲ။
                အိမ်မှာမွေးထားတဲ့ ချစ်စနိုး “ ကြောင်၊ ခွေး” လေးတွေလည်း ဒီနည်းပရိယာယ်ကိုသုံးကြပါ
တယ်။ စကားမတတ်ပေမဲ့ သူတို့လေးတွေက ကျနော်တို့ရဲ့ အမူအရာကိုကြည့် အကဲခတ်ပြီး သူတို့ရလို
သော အခွင့်အရေး အတိုင်းအတာကို စကားမတတ်သော်လည်း “အမူအရာ” ပြ၍ တောင်းခံတတ်ကြသည်။
သဘာဝကြီးက “ လူ၊ တိရစ္ဆာန် ” အားလုံးကို ပုံတူ စီစဉ်ပေးထားပုံရသည်။
                ဒါတွေကို သုံးသပ် လေ့လာမိတော့ ကျနော် သင်ခန်းစာယူမိသည်။
- ဘယ်ကိစ္စကိုမှ အကျင့် မလုပ်နှင့်၊ လုပ်ခွင့်ပေးရင် ပြင်ဖို့ခက်သည်။
-ကိုယ့် အားနည်းချက်များကို ဘယ်သူ့ကိုမှ ဖွင့်ဟမပြောနှင့်။ အနိုင်ယူဖို့ အသုံးချလိမ့်မည်။
-ကိုယ် လိုချင်နေသော ကိစ္စနှင့် တမ်းတ မက်မောနေသောအရာကို တစ်ပါးသူ မသိစေနှင့်။ အစာကြွေးပြီး
  အနိုင်ခံရမည်။
-သူများ၏ ချီးမွမ်းခြင်း၊ မြှောက်ပင့် ပြောကြားခြင်းများကို မနှစ်သက်နှင့်။ နှစ်သက်ခြင်းသည် ကိုယ့် တောင့်
  တင်းခိုင်မာသောစွမ်းရည်များ လျှော့လိုက်သည့် သဘောသက်ရောက်သည်။
-စကားချို သိပ်ပြော၊ အကြိုက်လိုက်လွန်းလျှင် တစ်ခုခု ကိုယ့်ကို အသုံးချတော့မည်လို့ တွက်တတ်ပါ။
-အစဦး ခြေလှမ်းမှာ ကိုယ့်ပုံကို အထင်သေး မခံရစေနှင့်။ သာမန်ထက်လည်း အထင်ကြီးခံရအောင် ဟန်
  မဆောင်နှင့်။ မှန်မှန်ရိုးရိုး နှင့် ထုံးစံအတိုင်း ဖြစ်နေပါစေ။
-ဘာမှ သေချာတယ်လို့ ပုံသေမတွက်ထားနှင့်။ အချိန်မရွေး အပြောင်းအလွဲရှိသည်။ မမျှော်လင့်သော အ
  ခြေအနေကို အချိန်မရွေး ရောက်မည်လို့ တွက်ထားတတ်ပါ။
-“သူ့အလှည့်ပြီးရင် ကိုယ့်အလှည့်”။“ ကိုယ့် အလှည့်ပြီးရင် သူ့အလှည့် ”လို့အမြဲတွက်ထားပါ။ 
-တစ်ပါးသူနှင့် ဆက်ဆံရေး ပြေလည်ရန် သူ့အကြိုက်ကိုလိုက်လျော ပေးပေါင်းတာထက်၊ သူမနှစ်သက်
  တာကို မပြောမိ၊ မလုပ်မိရန် ဆင်ခြင် နေထိုင် ခြင်းသည်ပို၍ ရိုးသားရာရောက်သည်။


            ယခု ဆောင်းပါးကို ကိုယ်တွေ့ အဖြစ်များမှ ကောက်နှုတ်မှတ်သား ရေးသားလိုက်ပါသည်။