အိုင်အိုဒင်းဆား (ဘာကြောင့် စားသင့်သလဲ)

                  အိုင်အိုဒင်းသည် ခန္ဓာကိုယ်အတွက် အဓိကလိုအပ်သည်မှာ ဟော်မုန်းတစ်မျိုးတည်ဆောက်ပေးရန်
ဖြစ်၏။ ကျွန်တော်တို့၏ ခန္ဓာကိုယ်တွင် ဟော်မုန်းများကို တည်ဆောက်ပေးသော ဂလင်းများ (Endocrine Glands)များစွာရှိသည်။ လည်ပင်း၏ ရှေ့ဘက်ပိုင်းတွင်လိပ်ပြာပုံသဏ္ဌာန်အကျိတ်ငယ်တစ်ခုရှိသည်။Thyroid Gland ဟုခေါ်ပါသည်။ သိုင်းရွိုက်ဂလင်းမှ သိုင်းရွိုက်ဟော်မုန်းများ တည်ဆောက်ထုတ်လုပ်ပေးပါသည်။
                  သိုင်းရွိုက်ဟော်မုန်းတည်ဆောက်ရန် ကုန်ကြမ်းပစ္စည်းများဖြစ်သော အိုင်အိုဒင်းနှင့် တိုင်ရိုဆင်း တို့လိုအပ်သည်။ တိုင်ရိုဆင်းမှာ အမိုင်နိုအက်စစ် တစ်မျိုးဖြစ်ပြီး ပရိုတင်း ဓာတ်မှ ရရှိနိုင်သည်။ ခန္ဓာကိုယ်
သည် တိုင်ရိုဆင်းကို ကိုယ်တိုင်တည်ဆောက်နိုင်စွမ်းရှိသည်။ သိုင်းရွိုက်ဟော်မုန်း တည်ဆောက်ရန်လိုသော
အိုင်အိုဒင်းကိုမူ လူတို့စားသုံးသော အာဟာရမှပင် ရရှိနိုင်သည်။ ခန္ဓာကိုယ်တွင်း၌ အိုင်အိုဒင်းဓာတ် တည်
ဆောက်နိုင်ခြင်း မရှိပေ။သို့ဖြစ်ရာ အိုင်အိုဒင်းမှာ မရှိမဖြစ် လိုအပ်သော အာဟာရပစ္စည်းတစ်မျိုး ဖြစ်နေပေ
သည်။
                 သိုင်းရွိုက်ဟော်မုန်းသည် အောက်ဖော်ပြပါ အရေးကြီးတာဝန်များကို ခန္ဓာကိုယ်အတွက် လုပ်
ဆောင်ပေးလျက်ရှိသည်။

၁။ ဇီဝဓာတ်ပြုခြင်းများကို လှုံ့ဆော်ခြင်း
                  ခန္ဓာကိုယ်ရှိ ကလာပ်စည်းတိုင်း၏ ဇီဝဖြစ်စဉ်များကို သိုင်းရွိုက်ဟော်မုန်းက လှုံ့ဆော်ပေးသည်။
သိုင်းရွိုက်ဟော်မုန်း လျော့နည်းခြင်းကြောင့် ကလာပ်စည်းများ၏ လုပ်ငန်းများ ညံ့ဖျင်းသွားနိုင်သည်။ ဤအ
ချက်ကြောင့် အိုင်အိုဒင်းချို့တဲ့သဖြင့် သိုင်းရွိုက်ဟော်မုန်း မထုတ်နိုင်သောအခါ ကြီးထွားဖွံ့ဖြိုးမှု နှေးကွေး
ယုတ်လျော့သွားခြင်းဖြစ်သည်။

၂။ သွေးနီဥများ တည်ဆောက်ခြင်း
                   သွေးနီဥ များတည်ဆောက်ရာတွင် သိုင်းရွိုက်ဟော်မုန်းသည် အရေးကြီးလှပါသည်။ သွေးနီဥ
တည်ဆောက်ရာတွင် လိုအပ်သော ဗီတာမင် B12 ကိုအစာလမ်းကြောင်းမှ ပိုမိုစုပ်ယူစေခြင်းနှင့် ရိုးတွင်းခြင်
ဆီအား သွေးနီဥထုတ်ရန် လှုံ့ဆော်ပေးခြင်းများကို သိုင်းရွိုက်ဟော်မုန်းက စွမ်းဆောင်ပေးသည်။ သိုင်းရွိုက်
ဟော်မုန်း နည်းခြင်း သို့မဟုတ် အိုင်အိုဒင်းချို့တဲ့ခြင်းသည် သွေးအားနည်းခြင်းကို ဖြစ်စေနိုင်ပါသည်။

၃။ နှလုံးခုန်ခြင်းကို လှုံဆော်ပေးမှု 
                  သိုင်းရွိုက်ဟော်မုန်းသည် နှလုံးခုန်နှုန်းကို မြန်စေနိုင်သည်။ ထိုမှတစ်ဆင့် သွေးလှည့်ပတ်မှုကို
ကောင်းမွန်စေသည်။ သိုင်းရွိုက်ဟော်မုန်းချို့တဲ့ခြင်းကြောင့် နှလုံးခုန်နှုန်း နည်းသွားနိုင်ပြီး၊ ဟော်မုန်း လွန်ကဲ
ခြင်းကြောင့် နှလုံးခုန်နှုန်း မြန်စေနိုင်ပါသည်။

၎။ ဗီတာမင်အေ ၏ အာနိသင်စွမ်းအားရစေခြင်း
                   သိုင်းရွိုက်ဟော်မုန်းသည် အသီးအနှံအရွက်များတွင် ပါသော ဓာတ်ကို ဗီတာမင်အေဖြစ်အောင်
ပြောင်းလဲနိုင်စွမ်းရှိသည်။ ဗီတာမင်အေသည် မျက်စိကြည်လင်မှုနှင့် ခန္ဓာကိုယ်တည်ဆောက်မှုတို့အတွက် လိုအပ်သည့် ဗီတာမင်ဖြစ်၏။ အိုင်အိုဒင်းချို့တဲ့မှု၊ သိုင်ရွိုက်ဟော်မုန်း နည်းပါးမှုကြောင့် ဗီတာမင်အေ၏ အာနိ
သင်ညံ့ဖျင်းပါက မျက်စိအမြင်ယိုယွင်းခြင်းနှင့် ခန္ဓာကိုယ်ဖွံ့ဖြိုးမှု နည်းပါးခြင်းများဖြစ်ပေါ်လာနိုင်ပါသည်။

၅။ သွေး၌ ကိုလက်စထရော နည်းစေခြင်း
                    ကိုလက်စထရောဓာတ်များ သွေး၌လွန်ကဲများပြားစေခြင်းသည် သွေးတိုးရောဂါ၊ နှလုံးရောဂါ၊
သွေးကြောပိတ်ခြင်း၊ လေဖြတ်ခြင်း စသည်တို့ကို ဖြစ်စေနိုင်ပါသည်။ သိုင်းရွိုက်ဟော်မုန်း၏ ထူးခြားသော
စွမ်းအင်တစ်ခုမှာ သွေး၌ ကိုလက်စထရောပမာဏ လျော့နည်းစေနိုင်ခြင်းဖြစ်သည်။ သို့အတွက် အိုင်အိုဒင်း
ဆား ကြော်ငြာရာတွင် " ကျန်းမာသန်စွမ်း ရောဂါကင်းမည် " ဟုပြောဆိုကြခြင်းဖြစ်သည်။


၆။ ဂလူးကို့စ် (Glucose) ကို အစာလမ်းကြောင်းမှ စုပ်ယူခြင်း
                   သိုင်းရွိုက်ဟော်မုန်းသည် အစာလမ်းကြောင်းမှ ဂလူးကို့စ် စုပ်ယူခြင်းကို အားပေးကူညီသည်။
ကိုယ်ခန္ဓာအတွက် ဂလူးကို့စ်သည် အရေးကြီးဆုံး " စွမ်းအင် " ဖြစ်သည်။ အိုင်အိုဒင်းဆားကြောင့် သိုင်းရွိုက်
ဟော်မုန်း တည်ဆောက်နိုင်သဖြင့် " စွမ်းအင် " ပြည့်ဝစွာ ရရှိစေနိုင်ပါသည်။

၇။ မျိုးပွားခြင်းနှင့် ပတ်သက်သော လုပ်ဆောင်ချက်များ
                    သိုင်းရွိုက်ဟော်မုန်းသည် သားသမီးရရှိစေနိုင်ခြင်း၊ အမျိုးသမီးများ မီးယပ်သွေးမှန်စေခြင်းနှင့်
နို့တိုက်မိခင်များတွင် ကောင်းမွန်စွာ နို့ထွက်စေခြင်းတို့ကို စွမ်းဆောင်ပေးနိုင်သည်။ အိုင်အိုဒင်းချို့တဲ့၍ သိုင်းရွိုက်ဟော်မုန်းနည်းလျှင် အထက်ပါလုပ်ငန်းများ ပျက်ယွင်းသွားကြမည်ဖြစ်၏။

၈။ အခြားဟော်မုန်းများကို အားပေးကူညီခြင်း
                     ခန္ဓာကိုယ် ကြီးထွားဖွံ့ဖြိုးရန်အတွက် ကြီးထွားဟော်မုန်း၊ အင်ဆူလင်(Insulin)၊ အင်ဒရိုဂျင်
(Androgen)၊ ကော်တီကိုစတီးရွိုက်(Corticosteroid) စသောဟော်မုန်းများ လိုအပ်သည်။ သိုင်းရွိုက်ဟော်
မုန်းသည် ကြီးထွားဖွံ့ဖြိုးစေရန် အားပေးသော အခြားဟော်မုန်းများ၏ စွမ်းအင်ကို ပိုမိုကောင်းမွန်စေနိုင်
ကြောင်း တွေ့ရသည်။ သိုင်းရွိုက်ဟော်မုန်းချို့တဲ့သော ကလေးငယ်များကြီးထွားမှု ညံ့ဖျင်းက လူပုလေးများ
ဖြစ်သွားနိုင်ပါသည်။

၉။ အရေပြားနူးညံ့မှုကို ထိန်းသိမ်းပေးခြင်း
                     သိုင်းရွိုက်ဟော်မုန်းသည် အရေပြားအောက်၌ရှိသော အသားဓာတ်တစ်မျိုးကို ဖယ်ထုတ်ပေး
သည်။ ဟော်မုန်းချို့တဲ့၍ အသားဓာတ်များ စုပုံလာသောအခါ အသားအရေမှာ ထူ၍ ကြမ်းလာသည်။ ခန္ဓာ
ကိုယ်၌ နူးညံ့သော အသားအရေ ရှိနေစေရန်အတွက် သိုင်းရွိုက်ဟော်မုန်းသည် အရေးကြီးသည်။

၁၀။ ဦးနှောက်နှင့် အာရုံကြောများ ကောင်းမွန်စေခြင်း
                      အိုင်အိုဒင်းဆား ကြော်ငြာရာတွင် ကလေးငယ်များ ဥာဏ်ရည်တိုးစေနိုင်သည်ဟု ဆိုပါသည်။
သိုင်းရွိုက်ဟော်မုန်းသည် ဦးနှောက်နှင့် အာရုံကြောများတွင်ရှိသော နာ့ဗ်ဆဲလ်(Nerve Cell) များကို ကျန်းမာ
စေနိုင်သည်။ အာရုံကြောများ၏ ဆက်သွယ်မှုစနစ်ကို ကောင်းမွန်စေသည်။ ကလေးငယ်များတွင် သိုင်းရွိုက်
ဟော်မုန်း လွန်ကဲစွာ နည်းလွန်းပါက ရူးသွပ်ခြင်းအထိ ဖြစ်စေနိုင်သည်။ သွက်လက်ဖျက်လတ်ဥာဏ်ရည်
ထက်မြက်စေရန် သိုင်းရွိုက်ဟော်မုန်းသည် မရှိမဖြစ် လိုအပ်ပေသည်။
                      သိုင်းရွိုက်ဟော်မုန်းနှင့် ပတ်သက်၍ အထက်တွင် လုပ်ငန်းကြီး ၁၀ ရပ်ကိုဖော်ပြခဲ့ပါသည်။
သိုင်းရွိုက်ဟော်မုန်း၌ အခြားသော လုပ်ငန်းများလည်းရှိသေးသည်ဖြစ်သည်။ သိုင်းရွိုက်ဟော်မုန်းသည်-
          ၁။ ခန္ဓာကိုယ်ထွားကျိုင်းသန်မာစေခြင်း၊
          ၂။ သွေးအားကောင်းစေခြင်း၊
          ၃။ အရေပြား နူးညံ့ချောမွေ့စေခြင်း၊
          ၄။ ရောဂါဘယကင်းစင်စေခြင်း၊
          ၅။ သားသမီးရစေနိုင်ခြင်း၊
          ၆။ အမျိုးသမီးများ မီးယပ်သွေးမှန်စေခြင်း၊
          ၇။ ခန္ဓာကိုယ် သွက်လက်ဖျတ်လတ်စေခြင်း၊
          ၈။ မျက်စိအမြင် ကြည်လင်စေခြင်း၊
          ၉။ ဥာဏ်ရည်ထက်မြက်စေခြင်း၊
        ၁၀။ စွမ်းအားကောင်းစေခြင်း စသည့် အကျိုးများကို ရရှိစေနိုင်သည်။
                 အချုပ်အားဖြင့်ဆိုရသော် အထက်ပါအကျိုးများကို ရရန် သိုင်းရွိုက်ဟော်မုန်းလိုသည်။ သိုင်းရွိုက်
ဟော်မုန်းတည်ဆောက်ရန်အတွက် အိုင်အိုဒင်းရှိမှ ဖြစ်မည်။ အိုင်အိုဒင်းဆား စားခြင်းဖြင့် အိုင်အိုဒင်းဓာတ် ရ
ရှိနိုင်သည်။ အိုင်အိုဒင်းကို ပင်လယ်မှ ထွက်ရှိသော အသားငါးများမှလည်းကောင်း၊ ပင်လယ်နှင့် မဝေးသော
ဒေသမှထွက်ရှိသည့် အသီးအရွက်များမှလည်ကောင်း ရရှိနိုင်ပါကြောင်း အသိပေးတင်ပြလိုက်ရပါသည်။